இளஞ்செழியனின் உயிருக்கு ஆபத்தா? திருகோணமலையில் பரபரப்பு!

நீதிபதி இளஞ்செழியனின் உயிருக்கு ஆபத்து என கத்திய இளைஞனால் திருகோணமலை மேல் நீதிமன்ற வளாகத்தில், சற்று பதற்ற நிலை தோன்றியுள்ளது.

திருகோணமலை மேல் நீதிமன்றத்தின் நீதிமன்ற நடவடிக்கைகள் நேற்றைய தினம் நடைபெற்றுக்கொண்டிந்தது.

இதன்போது, நீதிமன்றத்திற்கு வெளியில் 25 வயது மதிக்கத்தக்க இளைஞன் நீதிபதி இளஞ்செழியனின் உயிருக்கு ஆபத்து என கூச்சலிட்டுள்ளார்.

வித்தியாவின் வழக்கு தொடர்பில் விசாரணை செய்த நீதிபதி இளஞ்செழியனின் உயிருக்கு ஆபத்து காப்பாற்றுங்கள் காப்பாற்றுங்கள் என அவர் கூக்குரலிட்டுள்ளார்.

இந்நிலையில், சம்பவ இடத்திற்கு வந்த நீதிமன்ற பொலிஸார் குறித்த இளைஞனை நீதிமன்ற வளாகத்தில் உள்ள முனியப்பர் கோவிலுக்கு முன்பாக அமர வைத்துள்ளதுடன் விசாரணை செய்தனர். இதன்போது அந்த இளைஞன் புத்திசுவாதீனமற்றவர் என தெரியவந்துள்ளது.