கட்டுநாயக்க சர்வதேச விமான நிலையத்தில் வைத்து 4 இந்தியர்கள் கைது

கட்டுநாயக்க சர்வதேச விமான நிலையத்தில் வைத்து 4 இந்தியர்கள் கைது செய்யப்பட்டுள்ளதாக சுங்க ஊடகப் பேச்சாளர் சுனில் ஜயவர்தன தெரிவித்துள்ளார்.

குறித்த நால்வரும் சட்ட விரோதமாக தங்க துண்டுகளை எடுத்துச் செல்ல முற்பட்ட போதே இன்று (புதன்கிழமை) கைது செய்யப்பட்டுள்ளனர்.

இவ்வாறு கைது செய்யப்பட்டவர்களிடமிருந்து 15 இலட்சம் ரூபாவிற்கு அதிகமான 12 தங்க துண்டுகள் கைப்பற்றப்பட்டுள்ளன.

இந்த சம்பவம் தொடர்பில் சுங்க அதிகாரிகள் மேலதிக விசாரணைகளை மேற்கொண்டு வருவதாக சுங்க ஊடகப் பேச்சாளர் சுனில் ஜயவர்தன தெரிவித்துள்ளார்