யாழ்ப்பாணம் 5 சந்திப் பகுதியில் பேருந்தில் இருந்து இறங்கிய பெண், பணப்பையை பறித்த இளைஞரை யாழ்ப்பாணம் கஸ்தூரியார் வீதிவரை விரட்டி வழி மறித்த போதும் அவர் தப்பிச் சென்றுள்ளார்.
மானிப்பாயில் இருந்து யாழ்ப்பாணம் நோக்கி பயணித்த பேருந்தில் பயணித்த பெண் ஐந்து சந்திப் பகுதியில் இறங்கியுள்ளார்.
இதன்போது அப் பகுதியில் நடமாடிய இளைஞர் ஒருவர் குறித்த பெண்ணின் பணப்பையை பறித்துக் கொண்டு தப்ப முயற்சித்துள்ளார்.
இதனால் குறித்த பணப்பையில் இருந்த சில ஆவணங்களையும் பணத்தையும் எடுத்த இளைஞன் பணப்பையை வீசிவிட்டு கால்நடையாக தப்பிச் சென்றார்.
இதனால் பணப்பையை இழந்த பெண் மோட்டார் சைக்கிள் ஒன்றின் உதவியுடன் வழிப்பறி இளைஞனை விரட்டிய சமயம் குறித்த இளைஞன் யாழ்ப்பாணம் ஸ்ரான்லி வீதியூடாக கஸ்தூரியார் வீதியை அடைந்த வேளையில் வழிப்பறி இளைஞன் முன்பாக மோட்டார் சைக்கிளில் வழி மறித்த பெண் வீதி வழியாக சென்றவர்கள் முன்பு இளைஞனை இனம்காட்டி பிடிக்குமாறு கோரியுள்ளார்.
