இன்று அதிகாலை வவுனியா – பூனாவை பகுதியில் கோர விபத்து (படங்கள்)

வவுனியா – பூனாவை பகுதியில் இன்று அதிகாலை இடம்பெற்ற பேருந்து விபத்தில் 19 பேர் படுகாயமடைந்துள்ளனர்.

கொழும்பிலிருந்து புதுக்குடியிருப்பு நோக்கி பயணித்த இலங்கை போக்குவரத்து சபைக்கு சொந்தமான பேருந்தே மரமொன்றுடன் மோதி விபத்திற்கு உள்ளாகியுள்ளது.

விபத்தில் காயமடைந்த 19 பேரும் வவுனியா மாவட்ட பொது மருத்துவமனையில் அனுமதிக்கப்பட்டுள்ளனர்.

சாரதியின் கட்டுப்பாட்டினை இழந்த பேருந்து வீதியை விட்டு விலகி இவ்வாறு விபத்திற்கு உள்ளாகியுள்ளதாக காவற்துறை தெரிவித்துள்ளது.

இந்த நிலையில் மேலதிக விசாரணைகளை காவற்துறையினர் மேற்கொண்டு வருகின்றனர்.