யாழ்பாணத்தில் பெண்ணிடம் மர்மநபர் செயல்!

யாழ்ப்பாணம் நெல்லியடியில் வீதியால் பயணித்த பெண்ணிடம் அண்மையில் இடம்பெற்ற சங்கிலி அறுப்பில் ஈடுபட்டவர் ஓர் நகை கடை உரிமையாளர் என்று நெல்லியடிப் பொலிஸார் தெரிவித்தனர்.

நெல்லியடியில் வீதியில் இடம்பெற்ற குறித்த சங்கிலி அறுப்புத் தொடர்பில் நாம் தீவிர விசாரணையில் ஈடுபட்டோம். அதன் போது எமக்கு உதவியாக ஓர் சீ.சீ.ரி கமராவின் பதிவு கிடைத்தது.

அதன் உதவியுடன் ஒருவரை நாம் கைது செய்தோம். அவ்வாறு கைது செய்யப்பட்டவர் ஓர் நகை கடை உரிமையாளர் எனக் கண்டறியப்பட்டுள்ளது என்றும் பொலிஸார் தெரிவித்தனர்.