பற்றி எரியும் வீட்டில் சிக்கியிருந்த குடும்பத்தினரை, காப்பாற்றிய துணிச்சல் காவலர்

அமெரிக்காவில் பற்றி எரியும் வீட்டில் சிக்கியிருந்த குடும்பத்தினரை, துணிச்சல் மிக்க காவலர் ஒருவர் காப்பாற்றிய சம்பவம் தொடர்பான வீடியோ இணையத்தில் வெளியாகியுள்ளது.

அமெரிக்காவின் டெக்ஸாஸ் மாகாணத்தில் உள்ள குடியிருப்பில் வீடு ஒன்று தீடீரென்று தீப்பிடித்து எரிந்துள்ளது. இதனால் வீட்டிலிருந்தவர்கள் அலறியுள்ளனர்.

அப்போது துணிச்சல் மிக்க பொலிசார் ஒருவர் அந்த வீட்டின் ஜன்னலை உடைத்து உள்ளே சென்று குடும்பத்தினர் அனைவரையும் பத்திரமாக மீட்டுள்ளார்.

இந்த காட்சிகள் எல்லாம் கெமராவில் பதிவாகியுள்ளது. தற்போது அந்த வீடியோ வைரலானதால், வீடியோவைக் கண்ட பலரும் அவரை பாராட்டி வருகின்றனர்.