பிரான்ஸ், எலிசே மாளிகையின் ஒரு பகுதி €500,000 க்கள் செலவில் மீள் நிர்மாணம் செய்யப்பட உள்ளதாக தகவல்கள் வெளியாகியுள்ளன.
ஜனாதிபதி மாளிகையான எலிசேயில் 1889 ஆம் ஆண்டில் இருந்து, பல வரலாற்று தருணங்கள் தொடர்ச்சியாக இடம்பெறுகின்றன. பல முக்கிய தலைவர்களின் சந்திப்புக்கள், விருந்துபசாரம், கொண்டாட்டங்கள் என பல நிகழ்வுகள் இடம்பெற்று வந்துள்ளன.
தற்போது வருடத்துக்கு 160 இல் இருந்து 200 தடவைகள் வரை, நிகழ்வுகள் இடம்பெறுகின்றன. இதனால் விருந்துபசாரம் இடம்பெறும் நீளமான அரங்கு ஒன்றின் உள்ளக வடிவமைப்பை முற்றாக மாற்ற உள்ளதாக கலந்துரையாடப்பட்டுள்ளது.
இதனால் அரசு தரப்பில் €500,000 யூரோக்கள் இதற்காக ஒதுக்கப்பட்டுள்ளதாகவும், ஆறு வாரங்களுக்கு எலிசே மாளிகையின் குறித்த பகுதி மூடப்பட உள்ளதாகவும் தெரிவிக்கப்பட்டுள்ளது. இந்த திருத்தப்பணிகள் நவம்பர் 14 ஆம் திகதி முதல் இடம்பெற உள்ளதாகவும் தெரிவிக்கப்பட்டுள்ளது.
