பிக்பாஸ் சீசன் 2 நிகழ்ச்சி விரைவில் முடிவடைய உள்ள நிலையில் ஏற்கனவே பங்கேற்று வெளியேறிய போட்டியாளர்கள் ஒவ்வொருவராக தினமும் வருகிறார்கள். இன்று மகத் மற்றும் சென்ராயன் பிக்பாஸ் வீட்டுக்குள் வந்தனர்.
உள்ளே வந்த சென்ராயன், ஐஸ்வர்யா, ரித்விகா, விஜயலட்சுமி மற்றும் ஜனனி ஆகிய நான்கு பேருக்கு வெளியில் நல்ல பெயர் இருப்பதாகவும், இப்பவே நீங்க எல்லோரும் ஜெயித்து விட்டதாகவும் பாராட்டுகிறார்.
அதன் பிறகு சிம்பு ஐஸ்வர்யாவை விசாரித்ததாகவும், சிம்பு ஐஸ்வர்யாவுடன் நடிக்க ஆசைப்படுவதாக சிம்பு தெரிவித்ததாகவும் ஐஸ்வர்யாவிடம் தெரிவித்தார். உடனே அதை கேட்ட சந்தோஷத்தில் ஐஸ்வர்யா துள்ளி குதிக்கிறார்.
வெளி விஷயங்கள் பிக்பாஸ் வீட்டின் உள்ளே இருப்பவர்களுக்கு தெரியப்படுத்த கூடாது என்பது பிக்பாஸின் விதி. ஆனால் ஐஸ்வர்யாவை சந்தோசப்படுத்துவதற்காக பிக்பாஸ் அந்த விதியை ஐஸ்வர்யாவுக்கு மட்டும் மாற்றி அமைத்திருக்கிறார். இதனால் பார்வையாளர்கள் கொந்தளித்துள்ளனர். இப்படிப்பட்ட பிக்பாஸ் ஐஸ்வர்யாவை வெற்றி பெற செய்தாலும் செய்வார்.
