இலங்கையின் வடக்கே முல்லைத்தீவு மாவட்டத்திலுள்ள நடுக் காட்டில் வேட்டை நாய் ஒன்றும் பெண் சிறுத்தையொன்றும் பலமாக மோதிள்ளதாக தகவல் கிடைத்துள்ளது.
இதனால் படுகாயமடைந்த வேட்டை நாய் பரிதாபகரமாக பலியாகியுள்ளதாக நாயுடன் வேட்டைக்குச் சென்றவர்கள் தெரிவித்துள்ளனர்.
நேற்று இரவு முல்லைத்தீவில் நான்கு பேர் இரண்டு நாய்களுடன் வேட்டைக்குச் சென்றிருந்தனர். இதன்போது புதர் ஒன்றில் ஏற்பட்ட சலசலப்பையடுத்து குறித்த புதர் நோக்கி வேட்டைநாய் பாய்ந்து ஓடியுள்ளது.
இதனையடுத்து அருகிலிருந்த மரத்திலிருந்து குதித்த சிறுத்தையொன்று நாயுடன் பலமாக மோதியுள்ளது. இந்த மோதலின்போது நாய் படுகாயமடைந்து பலியானதாக கூறப்பட்டுள்ளது.
இதேவேளை குறித்த புதரில் சிறுத்தைக் குட்டிகள் இருந்ததாகவும் அதனை நோக்கி நாய் ஓட முற்பட்டபோதே தாய்ச் சிறுத்தை நாயைக் கொன்றதாகவும் வேட்டைக்காரர்கள் மேலும் தெரிவித்தனர்.
