ஆவா குழுவினரின் எச்சரிக்கை துண்டுப்பிரசுரங்கள் வீதிகளில் வீசப்பட்ட நிலையில் பொலிஸாரால் மீட்கப்பட்டுள்ளது.
வவுனியாவில் இன்று காலை முதல் பல இடங்களின் வீதியில் துண்டுப்பிரசுரங்கள் மீட்கப்பட்டுள்ளது.
இன்று காலை வவுனியா குருமன்காடு, வைரவப்புளியங்குளம், புகையிரத நிலைய வீதி, கண்டி வீதிகள் போன்ற பகுதிகளில் வீதிகளில் வீசப்பட்டுள்ளது.
இந்நிலையில் ஆவா குழுவினரின் துண்டுப்பிரசுரங்கள் தெரிவித்துள்ளது,
ஆவா குழுவினரால் பொதுமக்களுக்கு வவுனியாவில் வீதி ஓரங்களிலிருந்து பொதுமக்களுக்கும் இளம் பெண்களுக்கும் இடையூறுகள் ஏற்படுத்தும் இளைஞர்கள், ஜங்ஸ்டார், பைட்டர், கற்குழி போன்ற மைதானத்தில் எமது செயற்பாடுகளுக்குள் உள்வாங்கும் நோக்கத்துடன் விரிவுபடுத்தவதற்கு உள்ளோம்.
மேலும், அவர்களைக் காட்டிக்கொடுக்கும் நோக்கில் செயற்படும் மக்களுக்கும் பொலிஸாருக்கும் காட்டிக்கொடுக்கும் நோக்கில் செயற்படும் இளைஞர்களை எச்சரிக்கின்றோம். என்று தெரிவிக்கப்பட்டுள்ளது.
இந்நிலையில் இன்று காலை குருமன்காட்டு பகுதிகளில் வியாபார நிலையங்களுக்கு முன்பாக பொருத்தப்பட்டுள்ள சி.சி.ரி கேமராகளை பொலிஸார் சோதனையிட்டுள்ளதாக தெரிவித்துள்ளனர்.
