பிக்பாஸ் சீசன் 2 இல் மூன்றாம் இடத்தை பிடித்த நடிகை விஜயலக்ஷ்மி ரசிகர்களுக்கு நன்றி தெரிவிக்கும் டுவீட் ஒன்றை பதிவு செய்துள்ளார்.
தமிழ் பிக்பாஸ் சீசன் 2 நிகழ்ச்சி நேற்றுடன் நிறைவடைந்தது. இதில் அதிகப்படியான மக்களின் ஆதரவு பெற்ற நடிகை ரித்விகா டைட்டில் வின்னர் பட்டத்தை வென்றார். இரண்டாவது இடத்தை ஐஸ்வர்யாவும், விஜயலட்சுமி 3-வது இடத்தையும் பிடித்தனர்.
இந்நிலையில் விஜயலட்சுமி வெளியிட்டுள்ள டுவிட்டில் “அன்பான மக்களே….நான் வந்துவிட்டேன்! அன்பு காட்டி ஆதரவு அளித்த அனைவருக்கும் நன்றி, நான் பல லட்ச மக்களின் இதயங்களை வென்றுவிட்டேன். எனக்கு மிகவும் மகிழ்ச்சியாக உள்ளது. விரைவில் நன்றி தெரிவித்து வீடியோ வெளியிடுவேன்” என பதிவிட்டுள்ளார்.
இவர் அந்த வீடியோவில் பிக்பாஸில் இருந்த அனுபவம் குறித்து ரசிகர்களிடம் கருத்துக்களை பகிர்ந்து கொள்ளப் போகிறாராம். அத்துடன் எதிர்வரும் வாரங்களில் சில புதிய படங்களில் நடிக்க ஒப்பந்தமாக வாய்ப்பு இருக்கிறதாம்.
