இவ்ளோ விசயத்துக்கு பயன்படுதா?

எலுமிச்சை பழத்தின் தோலில் வைட்டமின் ஏ மற்றும் சி, கால்சியம், மெக்னீசியம், பொட்டாசியம், போன்றவை அதிகம் நிறைந்துள்ளன.

எலுமிச்சை பழத்தைப் போல எலுமிச்சை பழத்தின் தோலிலும் ஏராளமான நன்மைகள் உண்டு. அதனால் எலுமிச்சை பழத்தைப் பயன்படுத்திவிட்டு,

அதனுடைய தோலைத் தூக்கி எறியாமல் வீட்டில் பல விஷயங்களுக்குப் பயன்படுத்த முடியும்.

• எலுமிச்சை தோலின் உள்புறமாக உள்ள வெள்ளை நிறத்தோலை நீக்கி, அதில் தேவையான அளவு வெந்நீர் ஊற்றி 10 நிமிடங்களுக்கு பின் வடிகட்டி, அதனுடன் தேன் கலந்து குடித்து வந்தால், ஜீரண மண்டலம் வலிமையாகி, உடல் எடை குறையும்.

• எலுமிச்சை பழத்தின் தோலில் செய்த டீயை தினமும் குடித்து வந்தால், உடலில் உள்ள பிஎச் அளவு சீராகி, உடலில் நோயெதிர்ப்பு சக்தியும் அதிகரிக்கும்.

• நகங்களை 10 நிமிடங்கள் வெதுவெதுப்பான நீரில் ஊற வைத்து, எலுமிச்சை தோலை நகங்களின் மேல் தேய்த்து பின் கழுவினால், நகங்களில் உள்ள மஞ்சள் நிறம் மறைந்து நகங்கள் மென்மையாகவும் பளிச்செனவும் இருக்கும்.

• எலுமிச்சை பழத்தோலை பற்களில் தேய்த்து வாய் கொப்பளித்து வந்தால், பற்களில் உள்ள மஞ்சள் கறை மறைய ஆரம்பிக்கும்.

• எலுமிச்சையின் தோலைத் துருவி, அதனுடன் ஒயிட் வினிகரை சேர்த்து 2 வாரம் கழித்து, அதை வீட்டை சுத்தம் செய்யும் சோப் ஆயிலாகப் பயன்படுத்தலாம்.

• எறும்புகள், கரப்பான்பூச்சி தொல்லை போன்ற பிரச்சனைகள் இருந்தால், அந்த இடத்தில் எலுமிச்சை தோலை நறுக்கி வைத்தால் போதும். எறும்பு வீட்டை அண்டவே அண்டாது.

• எலுமிச்சை தோலை வெயிலில் உலர்த்தி நன்கு காய்ந்தவுடன் பொடி செய்து அதனுடன் தேன், சர்க்கரை, ஆலிவ் ஆயில் கலந்து முகத்தில் ஸ்கரப் செய்தால் சருமத்தில் உள்ள இறந்த செல்கள் நீங்கி, முகம் பொலிவு பெறும்