மட்டக்களப்பில் கலைஞர்கள், மற்றும் ஊடகவியாளர்களை கெளரவிக்க வருகை தந்துள்ள இயக்குனர் இமயம் பத்மஸ்ரீ பாரதிராஜாவுக்கு இளைஞர்கள் சிறப்பு மரியாதை செய்து கெளரவித்தனர்.
லண்டன் அகிலன் பவுண்டேஷனின் அனுசரைணயில் மட்டகளப்பு மாவட்ட முது பெரும் கலைஞர்கள், இளம் கலைஞர்கள் மற்றும் ஊடகவியலாளர்களை கெளரவிக்கும் நிகழ்வு புதுக்குடியிருப்பு கதிரவன் கலைக்கழகத்தின் தலைவர் த. இன்பராஜா தலைமையில் கிரான்குளம் சீமுன் கார்டனில் இன்று நடைபெற்றது.
இந்நிகழ்விற்கு பிரதம அதிதியா இயக்குனர் இமயம் பத்மஸ்ரீ பாராதிராஜா கலந்து கொண்டுள்ளார்.
இதன்போது மட்டக்களப்பு மாவட்டத்திலுள்ள 30 கலைஞர்கள் மற்றும் ஊடகவியலாளர்கள் பாரதிராஜாவால் கௌரவிக்கப்பட்டனர்.
முன்னதாக மட்டக்களப்பிற்கு வந்த பாரதிராஜாவுக்கு இளம் பெண் உள்ளிட்ட இளைஞர்கள் சிலர் அவர் தங்கியிருந்த அறைக்கு சென்று அவரது பாதங்களை தண்ணீர் ஊற்றி சுத்தம் செய்து சிறப்பு மரியாதை செய்தனர்.
