வெற்றிகரமாக ஓடிக் கொண்டு இருக்கும் ‘96’ படம் ஒரு ஆங்கிலப் படத்தின் தழுவல் என்று நெட்டிசன்கள் பதிவிட்டு வருகின்றனர்.
கடந்த சில வருடங்களாக கோலிவுட்டில் ஒருசில இயக்குனர்கள் ஆங்கில திரைப்படங்களை காப்பி அடிப்பதாக புகார்கள் வந்த வண்ணம் உள்ளன. இதில் முதலில் இயக்குனர் அட்லீ பெயர்தான் அடிபடுகிறது. அவர் இயக்கிய மூன்று படங்களுமே மற்ற படங்களின் தழுவல் என்ற புகாரை நெட்டிசன்கள் பதிவிட்டு வருகின்றனர்.
அதேபோல் தற்போது ஏ.ஆர்.முருகதாஸ் இயக்கத்தில் தளபதி விஜய் நடித்த ‘சர்கார்’ படமும் வேறு ஒருவரின் கதை என்ற குற்றச்சாட்டுக்கு உள்ளாகி நீதிமன்றத்தில் வழக்கும் நடந்து வருகிறது.
இந்த நிலையில் சமீபத்தில் வெளியான விஜய்சேதுபதி, த்ரிஷா நடிப்பில் உருவான ‘96’ திரைப்படம் மிகப்பெரிய வெற்றியை பெற்றது. இந்த படத்தின் பலமே விஜய்சேதுபதி, -த்ரிஷா நடித்த ரயில் காட்சிகளும், சாலையில் நடந்து செல்லும் காட்சிகளும் தான். ஆனால் இந்த காட்சிகள் அப்படியே ஆங்கில படமான ‘பிஃபோர் சன்ரைஸ்’ படத்தில் இருந்து காப்பி அடித்துள்ளதாக நெட்டிசன்கள் பதிவிட்டு வருகின்றனர். இந்தப் படத்தில் ரயிலில் சந்திக்கும் ஒரு பெண்ணும், ஒரு இளைஞனும் நட்புடன் பழகுவார்கள். பின்னர் வேறொரு நாளில் இருவரும் சந்தித்தபோது அமெரிக்க சாலை ஒன்றில் இரவு முழுவதும் நடந்து கொண்டே தங்களுடைய காதல் அனுபவங்களை தனித்தனியே சொல்வார்கள் என்பதுதான் இந்த படத்தின் கதை.
