இன்னும் சற்று நேரத்தில் உத்தியோகபூர்வமாக கடமையைப் பொறுப்பேற்கிறார் மஹிந்த!
புதிய பிரதமராக நியமிக்கப்பட்ட மஹிந்த ராஜபக்ஷ தனது பதவியினை உத்தியோகபூர்வமாக பொறுப்பேற்பதற்கான ஏற்பாடுகள் தீவிரமாக இடம்பெற்றுவருகின்றது.
இதில் ஐக்கிய மகள் சுதந்திரக் கூட்டமைப்பைச் சேர்ந்த உறுப்பினர்கள் சர்வ மதத் தலைவர்கள் மற்றும் ஆதரவாளர்கள் என பலரும் குழுமியுள்ளனர்.
இலங்கை ஜனநாயக சோசலிசக் குடியரசின் 22ஆவது பிரதமராக முன்னாள் ஜனாதிபதி மஹிந்த ராஜபக்ச இன்று உத்தியோகபூர்வமாக தமது கடமைகளை பொறுப்பேற்கவுள்ளார்.
பிரதமர் அலுவலகத்தில் இன்று காலை 11 மணியளவில் அவர் கடமைகளைப் பொறுப்பேற்க உள்ளதாக பிரதமரின் செயலாளர் எஸ்.அதரசேகர தெரிவித்துள்ளார்.
இந்த நிலையில் இன்றைய தினம் பாதுகாப்பு, நிதி, சட்டம் ஒழுங்கு, வெளிவிவகாரம், பொதுநிர்வாகம், ஊடகம், சுகாதாரம் உள்ளிட்ட அமைச்சுக்களில் மாற்றம் இடம்பெறவுள்ளதாக தகவல்கள் தெரிவிக்கின்றன.
மேலும் பிரதமராக பதிவியேற்கும் மஹிந்த ராஜபக்சவிடம் புத்த சாசனம், சட்டம் மற்றும் ஒழுங்கு உள்ளிட்ட அமைச்சுக்கள் கையளிக்கப்படவுள்ளதாக உத்தியோகபூர்வமற்ற தகவல்கள் தெரிவிக்கின்றன.
இந்த நிலையில் பிரதமர் அலுவலகத்தில் பாதுகாப்பும் தீவிரப்படுத்தப்பட்டுள்ளது.
இதேவேளை சற்று முன்னர் முன்னாள் பாதுகாப்பு செயலாளர் கோத்தபாய ராஜபக்ச பிரதமர் அலுவலத்திற்கு வந்துள்ளதாக அங்கிருந்து அங்கிருந்து கிடைக்கும் தகவல்கள் தெரிவிக்கின்றன.
