தொழில்ரீதியாக ஒருவர்(ஆண், பெண்) முன்னேறும் போது அவரது தனிப்பட்ட வாழ்க்கையில பின்னடைவு ஏற்படுவதாக சில ஆய்வுகள் தெரிவிக்கின்றன.
இதன் காரணமாக பல திருமணங்கள் தோல்வியில் முடிவது சோகத்தை ஏற்படுத்தியுள்ளது.
1981 முதல் 2002 ஆண்டு வரை தொழில்ரீதியாக முன்னேற்றம் அடைந்தவர்கள் மத்தியில் ஆய்வு ஒன்று நடத்தப்பட்டது.
இதில் அலுவலகங்களில் அவர்கள் காட்டிய முன்னேற்றங்கள் மற்றும் தனிப்பட்ட வாழ்க்கையில் அவர்கள் பெற்ற முன்னேற்றம் ஆகியவை கணக்கில் எடுத்துக்கொள்ளப்பட்டன.
இந்த ஆயின் முடிவில், தொழில் ரீதியாக முன்னேற்றம் அடைந்த பலரும் தங்களது திருமண வாழ்க்கையில் தோல்வி அடைந்திருப்பது தெரியவந்துள்ளது. சிலர் பல மன உளைச்சலுக்கு மத்தியில் திருமண ரத்து செய்திருப்பது அதிர்ச்சியை அளித்தது.
இந்த ஆய்வில், தனிப்பட்ட வாழ்க்கையில் தோல்வி அடைந்தவர்களில், பெண்களை விட ஆண்களே முன்னிலை பெறுகின்றனர். பணியிடங்களில் வெற்றிநடை போடும் பெண்களில் 15 சதவீதத்தினர் மட்டுமே விவாகரத்து முடிவை எடுக்கின்றனர்.
பல ஆண்களுக்கு மத்தியில் வேலை பார்க்கும் பெண்கள் பலருக்கு, திருமண வாழ்வு சிக்கலில் முடிந்துள்ளது. அதனடிப்படையில் 10 சதவீத பெண்கள் இதனால் பாதிக்கப்பட்டுள்ளனர்.
படிப்பில் ஏற்றத்தாழ்வு கொண்ட கணவன், மனைவிகளுக்கிடையே விவாகரத்து அதிகம் ஏற்படுவது ஆய்வில் தெரியவந்துள்ளது.
படித்த தம்பதிகள், அலுவலகங்களில் பார்க்கும் நபர்களோடு தங்களது துணையை ஒப்பிட்டு பார்ப்பதால், அவர்களது திருமணம் பந்தம் சிக்கலில் முடிவதாக நிபுணர்கள் தெரிவிக்கின்றனர்.
கார்ப்பரேட் போன்ற நிறுவனங்களில் பணியாற்றும் துணை மீது நம்பிக்கை இழப்பதும் விவாகரத்திற்கு காரணமாக உள்ளது.
ஆய்வின் படி, கணவன் மற்றும் மனைவி இருவரில் ஒருவர் கார்ப்பரேட் நிறுவனத்தில் பணியாற்றுபவராக இருந்தால், அந்த தம்பதிகளுக்கு மத்தியில் நம்பிக்கை இருக்காதாம்.
