வெளிநாட்டில் இருந்த இலங்கை வந்த பெண் கொடூரமாக கொலை!!

வெளிநாட்டில் இருந்து இலங்கை வந்த பெண் ஒருவர் கொடூரமான முறையில் படுகொலை செய்யப்பட்டுள்ளார்.

பிலியந்தலை – மாவித்தர பிரதேசத்தில் வைத்து, கூர்மையான ஆயுதம் ஒன்றில் தாக்கப்பட்டு அவர் கொலை செய்யப்பட்டுள்ளார்.

அடையாளம் தெரியாத நபர்கள் இவ்வாறு பெண்ணின் கழுத்தை அறுத்து கொலை செய்துள்ளதாக பொலிஸார் தெரிவித்துள்ளனர்.

54 வயதான பெண் ஒருவரே சம்பவத்தில் கொலை செய்யப்பட்டுள்ளார். இந்த பெண் வீட்டில் தனியாக இருந்த நிலையில் கொலை செய்யப்பட்டுள்ளார்.

இந்த பெண்ணின் மகன் வெளிநாட்டில் வசிக்கின்ற நிலையில் இவரும் கடந்த ஒரு மாத காலமாக வெளிநாட்டில் தங்கியிருந்துள்ளார்.

குறித்த பெண் நேற்று முன்தினம் இலங்கை வந்த நிலையில் நேற்று படுகொலை செய்யப்பட்டுள்ளார் என பொலிஸார் தெரிவித்துள்ளனர்.