மின்னேரியா பகுதியில் துப்பாக்கிச்சூடு

மின்னேரியா – ரத்மலே காட்டுப்பகுதியில் துப்பாக்கிச்சூட்டுக்கு இலக்காகி யானை ஒன்று உயிரிழந்துள்ளது.

வனவிலங்குகளை வேட்டையாடுவோரின் துப்பாக்கிச் சூட்டுக்கு இலக்காகி, குறித்த யானை உயிரிழந்துள்ளதாக வன விலங்கு பாதுகாப்பு அதிகாரிகள் தெரிவித்துள்ளனர்.

உயிரிழந்த யானையின் வயது 15-20 வரை இருக்குமென்றும், சுமார் 7 1/2 அடி உயரம் என்றும் தெரிவிக்கப்படுகிறது.

யானையின் தலையில் ஏற்பட்ட பலமான காயமே உயிரிழப்பிற்கு காரணமென தெரிவித்துள்ள கிரித்தலை வனஜீவராசிகள் திணைக்கள அதிகாரிகள், மேலதிக விசாரணைகளை மேற்கொண்டுள்ளனர்.