தமிழ்த் தேசியக் கூட்டமைப்பின் மட்டக்களப்பு மாவட்ட முன்னாள் நாடாளுமன்ற உறுப்பினர் அமரர் ஜோசப் பரராஜசிங்கத்தின் 13ஆம் ஆண்டு நினைவு நிகழ்வில் தமிழ்த் தேசியக் கூட்டமைப்பின் தலைவர் இரா.சம்பந்தன்அதிதியாகக் கலந்துகொள்ளவுள்ளார். அத்தோடு குறித்த நிகழ்வில் அவர் பேருரையாற்றவுள்ளார்
தமிழ்த் தேசியக் கூட்டமைப்பின் மட்டக்களப்பு மாவட்ட முன்னாள் நாடாளுமன்ற உறுப்பினர் அமரர் ஜோசப் பரராஜசிங்கத்தின் 13ஆம் ஆண்டு நினைவு நிகழ்வு எதிர்வரும் 25ம் திகதி இடம்பெறவுள்ளது.
மட்டக்களப்பு அமெரிக்க மிஷன் மண்டபத்தில் இலங்கைத் தமிழ் அரசுக் கட்சி, மட்டக்களப்பு மாவட்ட இளைஞர் அணியின் ஏற்பாட்டில் இந்த நிகழ்வு பிற்பகல் 02.00 மணிக்கு இடம்பெறவுள்ளது.
இந்நிகழ்வில் தமிழ்த் தேசியக் கூட்டமைப்பின் நாடாளுமன்ற உறுப்பினர்கள், முன்னாள் நாடாளுமன்ற உறுப்பினர்கள், முன்னாள் மாகாணசபை உறுப்பினர்கள், உள்ளுராட்சி மன்றத் தலைவர்கள், உள்ளுராட்சி மன்ற உறுப்பினர்கள் எனப் பலரும் கலந்துகொள்ளவுள்ளனர்.
