ஹற்றன்- கினிகத்தேனை, பொல்பிட்டிய வீதியூடாக சென்ற கனரக வாகனமொன்று குடைசாய்ந்ததில் போக்குவரத்து பாதிக்கப்பட்டுள்ளது. இதனால் மாற்று வழியை பயன்படுத்துமாறு வாகன சாரதிகளுக்கு பொலிஸார் அறிவித்துள்ளனர்.
குறித்த சம்பவம் இன்று (புதன்கிழமை) அதிகாலை 2.30 மணியளவில் இடம்பெற்றுள்ளதாக அங்கிருந்து கிடைக்கும் தகவல்கள் தெரிவிக்கின்றன.
கொழும்பிலிருந்து பொல்பிட்டிய புரோட்லேன்ட் நீர்மின் உற்பத்தி நிலையத்திற்கு பொருட்களை ஏற்றிச்சென்ற வாகனமே இவ்வாறு விபத்துக்குள்ளாகியுள்ளது.
குறித்த வீதியிலுள்ள வளைவு பகுதியில் வாகனத்தை கட்டுப்பாட்டுக்குள் கொண்டுவர முடியாமல் போனமையே விபத்துக்கு காரணமென பொலிஸாரின் ஆரம்பகட்ட விசாரணையிலிருந்து தெரியவந்துள்ளது.
ஆனால், சாரதிக்கும், உதவியாளருக்கும் எவ்வித பாதிப்புக்களும் ஏற்படவில்லையெனவும் பொலிஸார் தெரிவித்துள்ளனர்.
சம்பவம் தொடர்பில் கினிகத்தேனை பொலிஸார் மேலதிக விசாரணையை மேற்கொண்டு வருகின்றனர்.
