குருணாகலில் புதையல் தோண்ட முற்பட்ட 6 பேர் கைது

குருணாகல், மொரகனே பகுதியிலுள்ள வீடொன்றுக்கு அருகில் புதையல் தேடும் நோக்கில் அகழ்வுப் பணியில் ஈடுபட்ட 6 பேரை பொலிஸார் கைது செய்துள்ளனர்.

குறித்த சம்பவத்தில் கம்பஹா, கடஹெர மற்றும் கட்டுபொத்த ஆகிய பிரதேசங்களைச் சேர்ந்த 25- 73 வயதுக்கு இடைப்பட்டவர்களே நேற்று (செவ்வாய்க்கிழமை) கைது செய்யப்பட்டுள்ளனர்.

இதன்போது சந்தேகநபரிடமிருந்து அகழ்வு பணிக்கு பயன்படுத்திய உபகரணங்களையும் பொலிஸார் கைப்பற்றியுள்ளனர்.

இந்நிலையில் கைது செய்யப்பட்ட சந்தேகநபர்களை குளியாப்பிட்டிய நீதிமன்றத்தில், இன்று முன்னிலைப்படுத்துவதற்கான ஏற்பாடுகளை நாராமல பொலிஸார் மேற்கொண்டுள்ளனர்.