அவுஸ்திரேலியாவுக்குச் சென்ற விமானத்தில் ஒரு பயணிக்கு வழங்கப்பட்ட உணவில் மனித பல் இருந்ததால், அந்த பயணியிடம் விமான நிறுவனம் மன்னிப்புக் கோரியுள்ளது.
சிங்கப்பூர் ஏர்லைன்ஸ் நிறுவனத்துக்கு சொந்தமான பயணிகள் விமானம் ஒன்று நியூசிலாந்தின் வெலிங்டன் நகரில் இருந்து அவுஸ்திரேலியாவின் மெல்போர்ன் நகருக்குச் சென்றது.
இந்த விமானத்தில் பயணித்த பிராட்லி பெத்தான் என்பவருக்கு உணவு கொடுக்கப்பட்டது.
அந்த உணவை அவர் சாப்பிட்டபோது, கல்போன்று ஏதோ பொருள் வாயில் கடிப்பட்டது.
அதை எடுத்து பார்த்தபோது, அது மனித பல் என தெரியவந்தது. இதனால் கடும் அதிர்ச்சியடைந்த பிராட்லி பெத்தான், விமான ஊழியர்களிடம் இது குறித்து முறைப்பாட்டினை அளித்தார்.
இதையடுத்து, தங்களது தவறை ஒப்புக்கொண்ட விமான நிறுவனம் அதற்காக பிராட்லி பெத்தானிடம் மன்னிப்புக் கோரியுள்ளது.
மேலும் அவருக்கு இழப்பீடாக, சிங்கப்பூர் ஏர்லைன்ஸ் விமானங்களில் பயன்படுத்திக்கொள்ளும் வகையில் 75 அமெரிக்க டொலர் (இந்திய மதிப்பில் ரூ.5 ஆயிரம்) மதிப்பிலான இலவச கூப்பனை கொடுத்துள்ளது.
