7 வயது சிறுவனைக் காப்பாற்ற தன் உயிரைப் பணயம் வைத்த பெண்!

7 வயது சிறுவனை கடித்துக் குதறிய நாய்களிடம் இருந்து பெண் ஒருவர் தீரத்துடன் மீட்டுள்ள சம்பவம் எகிப்தில் இடம்பெற்றுள்ளது.

கெய்ரோவின் புறநகர் பகுதியில் சிறுவனை 2 நாய்கள் விரட்டி, விரட்டிக் கடித்தது மட்டுமல்லாமல், வீட்டுக்குள் ஓடச் சென்ற எகாப்பை வீதிக்கு இழுத்து வந்த நாய்கள் தலை, கால், கை உள்ளிட்ட இடங்களில் கடித்துக் குதறியுள்ளது.

சிறுவனின் அலறல் சத்தம் கேட்ட பக்கத்து வீட்டு பெண்கள் நாயை விரட்டியுள்ளனர். ஆனால் அவர்களது முயற்சி பலன் கொடுக்கவில்லை எனக் கூறப்படுகிறது.

அதில் ஒரு பெண் சிறுவனை இறுகக் கட்டியவாறு தரையோடு படுத்துக் கொண்டு சிறுவனைக் காப்பாற்றிய வீடியோ வெளியாகி உள்ளது.

குறித்த பெண்ணின் முயற்சிக்கு பலரும் தமது வாழ்த்துக்களைக் கூறி வருகின்றனர்.