சூர்யா தற்போது ஹரி இயக்கத்தில் உருவாகியிருக்கும் ‘எஸ்-3’ படத்தில் நடித்து முடித்திருக்கிறார். இப்படத்தை தொடர்ந்து விக்னேஷ் சிவன் இயக்கும் ‘தானா சேர்ந்த கூட்டம்’ படத்தில் நடிக்கவிருக்கிறார். இப்படத்தில் அவருக்கு ஜோடியாக கீர்த்தி சுரேஷ் நடிக்கவிருக்கிறார். அனிருத் இசையமைக்கவிருக்கிறார்.
இப்படத்தின் படப்பிடிப்பு விரைவில் தொடங்கவுள்ள நிலையில், இப்படத்திற்காக சூர்யா தனது உடல் எடையை குறைக்கப்போவதாக செய்திகள் வெளியாகியுள்ளது. சுமார் 10 கிலோ வரை தனது எடையை குறைத்து அவர் நடிக்கப்போவதாகவும் கூறப்படுகிறது.
சூர்யா, கடைசியாக கவுதம் மேனன் இயக்கத்தில் வெளிவந்த ‘வாரணம் ஆயிரம்’ படத்திற்காக உடல் எடையை குறைத்து, சிக்ஸ் பேக் வைத்து நடித்திருந்தார். தற்போது ‘எஸ்-3’ படத்திற்காக உடல் எடையை கூட்டியிருந்தார். தற்போது, விக்னேஷ் சிவன் படத்திற்காக உடல் எடையை குறைக்கப் போவதாக கூறப்படுகிறது. மேலும், இப்படத்தில் சூர்யாவுக்கு வித்தியாசமான தலை முடியும் வைக்கப்போவதாக கூறப்படுகிறது.
