கனடாவிலுள்ள தமிழ் மாணவன் ஒரவர், ஹாலிவுட்டின் பிரபல நடிகையுடன் ஜோடி போட்டு நடனமிட ஆசைப்பட்டுள்ளார். அதற்காக, ஹாலிவுட் நடிகையின் கவனத்தை திருப்ப வித்தியாசமான முயற்சியொன்றை மேற்கொண்டுள்ளார்.
கனடாவில் உயர்தரத்தில் கல்வி பயிலும் மாணவர்கள் அவர்களது பள்ளி இறுதி ஆண்டில், விருந்து நடனத்தில் ஜோடிகளாகக் கலந்து கொள்வது வழக்கம். இலங்கைப் பாடசாலைகளில் நடைபெறும் மதியபோசன விருந்தைப்போல, இது இராப்போசன விருந்தும் நடனமும் ஆகும்.
அதில் ஆண் மாணவர்கள் பெரும்பாலும் தங்கள் ஜோடிகளாக சக மாணவிகளுக்கு அழைப்பு விடுப்பதுண்டு. அவர்கள் சம்மதித்தால் அவர்களோடு ஜோடி போட்டு விருந்தில் கலந்து கொள்வார்கள்.
கனடாவைச் சேர்ந்து தமிழ் மாணவனான கிஷோர் என்பவர், வித்தியாசமாக ஹாலிவுட் நடிகை நைனா டொவ்ரோவ் தன்னோடு ஜோடியாய் விருந்தில் கலந்துகொள்ள அழைத்துள்ளார்.
அந்த அழைப்பை அவர் வித்தியாசமாக ஓரு யுரியூப் காணொளியின் மூலம் விடுத்துள்ளார்.
