இலங்கைக்கு சுற்றுலா பயணிகளின் வருகை அதிகரிப்பு!!

இம்மாதம் வருகை தந்த வெளிநாட்டு சுற்றுலா பயணிகளின் எண்ணிக்கை அதிகரித்துள்ளதாக இலங்கை சுற்றுலா அபிவிருத்தி அதிகார சபையினால் வெளியிடப்பட்ட அறிக்கையில் தெரிவிக்கப்பட்டுள்ளது.

இதன்படி, இந்தியா, பிரித்தானியா, சீனா, ஜேர்மனி மற்றும் பிரான்ஸ் ஆகிய நாடுகளில் இருந்தே அதிக அளவிலானவர்கள் வருகை தந்துள்ளதாக தெரிவிக்கப்பட்டுள்ளது.

கடந்த வருடத்தில் வருகைதந்திருந்த சுற்றுலா பயணிகளில் ஒப்பிடுகையில் 4.7 சத வீத அதிகரிப்பு பதிவாகியுள்ளதாக குறிப்பிடப்பட்டுள்ளது.

இந்த வருடம் மார்ச் மாதம் இலங்கைக்கு இரண்டு லட்சத்து 44 ஆயிரத்து 328 சுற்றுலா பயணிகள் வருகை தந்திருந்தனர்.

கடந்த வருடம் மார்ச் மாதம் வருகை தந்தவர்கள் 2 லட்சத்து 33 ஆயிரத்து 382 என அந்த அறிக்கையில் சுட்டிக்காட்டப்பட்டுள்ளமை குறிப்பிடத்தக்கது.