கனடாவின் ஒன்ராறியோ மாகாணத்தின் வடமேற்கு பகுதியில் வீடொன்றில் ஏற்பட்ட தீ விபத்து..!!

கனடாவின் ஒன்ராறியோ மாகாணத்தின் வடமேற்கு பகுதியில் வீடொன்றில் ஏற்பட்ட தீ விபத்தில் தாய் மற்றும் குழந்தைகள் உட்பட ஐவர் உயிரிழந்துள்ளனர்.

நேற்று (வியாழக்கிழமை) இந்த விபத்து சம்பவித்திருந்தது. எனினும், இத்தீ விபத்திற்கான காரணம் இதுவரை கண்டறியப்படவில்லை.

தீ விபத்தில் உயிரிழந்தவர்கள் தாயும், அவரது ஆறு முதல் பன்னிரெண்டு வயதான நான்கு பிள்ளைகளும் என தெரிவிக்கப்பட்டுள்ளது.

இவ்வாறான மரணங்களை எதிர்காலத்தில் தவிர்த்துக் கொள்வதற்கு அனைத்து தரப்பினருடனும் இணைந்து பணியாற்றவுள்ளதாக ஒன்ராறியோ பிராந்திய தலைமை அதிகாரி தெரிவித்தார்.

இந்நிலையில், அனர்த்தத்தில் உயிரிழந்தவர்களுக்கு மத்திய மற்றும் மாகாண அரசியல்வாதிகள் தங்களது ஆழ்ந்த இரங்கல்களை வெளியிட்டு வருகின்றனர்.