திருகோணமலையில் ரி-56 ரக துப்பாக்கியின் ரவைகள் மீட்பு ..!!

திருகோணமலை – கல்கடவல குளத்துக்கு செல்லும் வழியில் ரி-56 ரக துப்பாக்கியின் ரவைகள் இன்று மீட்கப்பட்டுள்ளன.

குளத்துக்கு செல்லும் வழியில் மரத்துக்கு கீழே ஆயுதங்கள் சில காணப்படுவதாக பொலிஸ் அவசர அழைப்பு இலக்கத்திற்கு தகவல் கிடைத்துள்ளது.

இந்த தகவலின் அடிப்படையில் ஸ்தலத்திற்கு விரைந்து மேற்கொள்ளப்பட்ட சோதனையின் போதே துப்பாக்கி ரவைகளை மீட்டதாக பொலிஸார் தெரிவித்துள்ளனர்.

இதன்போது ரி-56 துப்பாக்கிக்கு பயன்படுத்தப்படும் 48 ரவைகள் மற்றும் லேசர் ரவைகள் 16 என்பனவும் கைப்பற்றப்பட்டுள்ளன.

இது தொடர்பான பீ அறிக்கையை திருகோணமலை நீதிமன்றில் சமர்ப்பிக்கவுள்ளதாகவும், கைப்பற்றப்பட்ட ரவைகள் கோமரங்கடவல பொலிஸ் நிலையத்தில் வைக்கப்பட்டுள்ளதாகவும் பொலிஸார் குறிப்பிட்டுள்ளனர்.