கால்வாய் ஒன்றில் இருந்து சிசிவொன்றின் சடலம் மீட்பு…!!

கால்வாய் ஒன்றில் இருந்து சிசிவொன்றின் சடலமொன்று கண்டுபிடிக்கப்பட்டுள்ளது.

தெஹிவளை – நெதிமால சுமிந்து ராஜபக்ஸ மாவத்தைக்கு அருகில் உள்ள கால்வாயில் இந்த சடலம் மீட்கப்பட்டுள்ளது.

இன்று மதியம் தெஹிவளை , கல்கிஸ்ஸ நகர சபை ஊழியர்கள் இந்த சிசுவின் சடலத்தை கண்டு பொலிஸாருக்கு அறிவித்துள்ளனர்.

பின்னர் கல்கிஸ்ஸ பதில் நீதவானால் நீதவான் விசாரணைகள் மேற்கொள்ளப்பட்ட நிலையில் , சிசுவின் சடலம் கலுபோவில மருத்துவமனைக்கு கொண்டு செல்லப்பட்டுள்ளது.

சிசுவின் தாய் தொடர்பிலும் , மேற்படி சிசுவின் சடலத்தை அவ்விடத்திற்கு கொண்டு வந்து விட்டுச் சென்றவர் தொடர்பிலும் இதுவரை எவ்வித தகவல்களும் தெரியவரவில்லை.

சம்பவம் தொடர்பில் காவற்துறை விசாரணைகள் ஆரம்பிக்கப்பட்டுள்ளதாக பொலிஸ் ஊடக பிரிவு தெரிவித்துள்ளது.