கல்முனை உண்ணாவிரதத்தை முழுமையாக- தற்காலிகமாக நிறுத்தியுள்ளனர் போராட்டக்காரர்கள்.
மதத்தலைவர்கள், அரசியல் தலைவர்கள் வழங்கிய வாக்குறுதிக்கு அமைய தற்காலிகமாக போராட்டத்தை கைவிடுவதாகவும், தமது கோரிக்கை நிறைவேற்றப்படாத பட்சத்தில் மீண்டும் சாகும்வரையான உண்ணாவிரத போராட்டத்தில் இறங்குவோமென்றும் போராட்டக்காரர்கள் தெரிவித்தனர்.
போராட்டத்தை கைவிடுவது தொடர்பாக நேற்றிரவு தொடக்கம் ஏற்பாட்டாளர்கள் கலந்துரையாடலில் ஈடுபட்டனர். இன்று தற்காலிகமாக போராட்டத்தை கைவிடுவதென தீர்மானிக்கப்பட்டு, அதற்கான அறிக்கை தயாரிக்கப்பட்டது. தற்போது அந்த அறிக்கையை வெளியிட்டு, போராட்டத்தை முடித்துக் கொண்டனர்.
கல்முனையை தரமுயர்த்துவதாக அரசியல் பிரமுகர்கள், மதத்தலைவர்கள் வழங்கிய வாக்குறுதிக்கமைவாக, தற்காலிகமாக போராட்டத்தை கைவிடுவதாகவும், தமது கோரிக்கைகள் நிறைவேற்றப்படாவிட்டால் மீண்டும் உண்ணாவிரதத்தில் குதிக்கவுள்ளதாகவும் அவர்கள் தெரிவித்தனர்.
