கொழும்பு பல்கலைக்கழக வானியல் ஆய்வுப் பிரிவு வெளியிட்ட முக்கிய அறிவிப்பு..!!

எதிர்வரும்- 16 ஆம் திகதி இலங்கையில் பகுதியளவில் சந்திரகிரகணம் தென்படவுள்ளது.

இதற்கமைய இலங்கை, அவுஸ்திரேலியா, ஆபிரிக்கா, தென் அமெரிக்கா, ஐரோப்பா மற்றும் ஆசியாவின் சில நாடுகளிலும் சந்திர கிரகணம் தென்படவுள்ளது.

எதிர்வரும்- 16 ஆம் திகதி நள்ளிரவிற்கு பின் 17 ஆம் திகதி அதிகாலை- 12.13 மணிக்கு சந்திரகிரகணம் ஆரம்பமாகவுள்ளது. மறுநாள் 17 ஆம் திகதி அதிகாலை-05.47 மணியளவில் சந்திரகிரகணம் நிறைவுபெறவுள்ளது.

இது இந்த வருடத்திற்கான இறுதி சந்திரகிரகணம் என்பதுடன் 2021 ஆம் ஆண்டு மே மாதம் 26 ஆம் திகதியே இலங்கையர்களுக்கு அடுத்த சந்திரகிரகணம் தென்படுமென கொழும்பு பல்கலைக்கழகத்தின் வானியல் ஆய்வுப் பிரிவு தெரிவித்துள்ளது.