பிரித்தானியா மக்களே அவதானம்..!!

பிரித்தானியாவில் நேற்று வியாழக்கிழமை பதிவு செய்யப்பட்ட அதி உச்ச வெப்பநிலை காரணமாக போக்குவரத்துகளில் ஏற்பட்ட தடங்கல்கள் இன்னமும் தொடர்கின்றன.

விமானம் மற்றும் ரயில் பயணிகளே அதிக இடையூறுக்கு ஆளாகியுள்ளதாகத் தெரிவிக்கபடுகிறது.

ஹீத்ரோ கேட்விக் உள்ளிட்ட லண்டன் விமான நிலையங்களில் விமானச் சேவைகள் தடைப்பட்டும் ரத்துச் செய்யப்பட்டும் உள்ளதாக விமானப் போக்குவரத்துச் சபை தெரிவித்துள்ளது.

மேலும் விமானப் போக்குவரத்துக் கட்டுப்பாட்டு அமைப்பில் ஏற்பட்டுள்ள தொழில்நுட்ப சிக்கலாலும் இந்த இடையூறுகள் ஏற்பட்டுள்ளதாக அறிவிக்கப்பட்டுள்ளது.

பிரித்தானியாவில் இரண்டாவது உச்ச வெப்ப நாளாக நேற்றையதினம் பதிவாகிய பின்னர் ரயில் சேவைகளும் தாமதத்துக்குள்ளாகியுள்ளதோடு பெரும்பாலானவை ரத்து செய்யப்பட்டுள்ளன.