அனைவருக்கும் அதிக பிரியமான மீன் வடை செய்வது எப்படி?

மீன் என்றால் குழந்தைகளுக்கு மிகவும் பிடிக்கும்.

இதில் குழந்தைகளுக்கு விருப்பமான மீன் வடை செய்வது எப்படி என்று பார்க்கலாம்.

தேவையான பொருட்கள்

• மீன் துண்டுகள் – 500 கிராம்
• முட்டை – 1
• உருளைக்கிழங்கு – 100 கிராம்
• மிளகாய்த்தூள் – 1 டேபிள் ஸ்பூன்
• பச்சைமிளகாய் – 3
• உப்பு – தேவையான அளவு
• எண்ணெய் – பொரிக்க

செய்முறை

மீனை கழுவி சுத்தம் செய்து வாணலியில் சிறிதளவு நீர்விட்டு வேக வைத்து கொள்ளவும். வெந்ததும் அதை எடுத்து முள், தோல் நீக்கி உதிர்த்து கொள்ளவும்.

உருளைக்கிழங்கை வேகவைத்து, தோல் உரித்து நன்கு மசிக்கவும்.

வெங்காயம், பச்சை மிளகாயைப் பொடியாக நறுக்கி கொள்ளவும்.

ஒரு பாத்திரத்தில் உதிர்த்த மீன், உருளைக்கிழங்கு, மிளகாய்த் தூள், வெட்டிய வெங்காயம், பச்சை மிளகாய், உப்பு சேர்த்து நன்றாக கலந்து முட்டையை உடைத்து ஊற்றி நன்கு பிசைந்து கொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் மீன் கலவையில் சிறிது எடுத்து சிறுசிறு வடைகளாகத் தட்டிப் போட்டு பொன்னிறமாக சிவந்ததும் எடுக்கவும்.

இதை தோசைக்கல்லில் தட்டி வைத்து கட்லெட் போல செய்யலாம்.