விறகு வெட்ட சென்றவர்களிற்கு கரடி செய்த வேலை!

வவுனியா ஓமந்தை , நவ்வி பாலமோட்டை பகுதியில் கரடியின் தாக்குதலிற்குள்ளாகிய இருவர் காயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளனர்.

இந்த சம்பவம் நேற்று மாலை இடம்பெற்றுள்ளது.

விறகு வெட்டுவதற்காக நவ்வி காட்டு பகுதிக்கு சென்றவர்கள் மீது பற்றைக்குள் மறைந்திருந்த கரடி தாக்கியுள்ளது.

எனினும் குறித்த நபர்கள் கரடியின் மீது தாக்குதல் நடத்தியதோடு அங்கிருந்து தப்பி ஓடியுள்ளனர்.

சம்பவத்தில் வீரையா கலைஞானம் வயது 42, விஜயகுமார் பிரசாந் வயது 31 என்ற நபர்களே கை, கால் , வயிற்றுப் பகுதிகளில் காயமடைந்த நிலையில் வவுனியா வைத்தியசாலையில் அனுமதிக்கபட்டு சிகிச்சைபெற்று வருகின்றமை குறிப்பிடத்தக்கது.