கடந்த 1999 ஆம் முதல் 2001 ஆம் ஆண்டு வரை சன் தொலைக்காட்சியில் ஒளிபரப்பாகி அதிகளவு மக்களால் விரும்பப்பட்ட சீரியல் சித்தி.
இந்த சீரியல் ராடான் நிறுவனத்தின் சார்பில் ஒளிபரப்பபட்டு வந்தது.
இந்த சீரியலில் முன்னணி கதாபாத்திரத்தில் நடிகை ராதிகா சரத்குமார் நடித்திருந்தார். தினந்தோறும் இரவு 9:30 மணி முதல் 10 மணி வரை சித்தி சீரியல் சன் டிவியில் ஒளிபரப்பப்பட்டது.
உலகில் வாழும் எல்லா தமிழர்களின் வீட்டிலும் சித்தி தொடர் மிகவும் பிரபலமடைந்தது.
இதைத்தொடர்ந்து, செல்லமே, வாணி ராணி என பல வெற்றி சீரியல்கள் சீரியலில் நிறுவனத்திற்கு அமைந்தன.
இந்நிலையில், கடைசியாக ஒளிபரப்பப்பட்ட சந்திரகுமாரி சீரியலில் நடிகை ராதிகா நடித்திருந்தார்.
இதைத்தொடர்ந்து, ராதிகாவிற்கு உடல்நிலை சரியில்லாத காரணத்தால் சிறிதுகாலம் மட்டுமே நடித்து இருந்தார்.
இதனையடுத்து இந்த சீரியலின் நேரம் சன் டிவியில் மாற்றப்பட்டது. இவை அனைத்தும் சேர்ந்து ராடான் நிறுவனத்திற்கு பெரிய இழப்பையும் நஷ்டத்தையும் ஏற்படுத்தி உள்ளதாக தகவல்கள் வெளியாகியுள்ளன.
இதனால், சித்தி போன்ற சீரியல்களை மீண்டும் எடுத்தால் தான் நஷ்டத்தை ஈடுகட்ட முடியும் என்று முடிவு செய்துள்ள ராடான் நிறுவனம் சித்தி 2 படப்பிடிப்பு ஆரம்பித்து விட்டதாக கூறப்படுகிறது.
இந்த சீரியலில் ராதிகா சரத்குமார் , முன்னாள் நடிகை ரூபினி, பொன்வண்ணன் ,டேனியல் உள்ளிட்டோர் முக்கிய கதாபாத்திரத்தில் நடிக்கின்றனர். விரைவில் சன் டிவியில் அதே 9.30 மணி ஸ்லாட்டில் சித்தி-2 ஒளிபரப்பாகும் என எதிர்பார்க்கப்படுகிறது .
