ஏடிஎம்மில் பணம் எடுக்கச் செல்பவர்களிடம் உதவுவது போல் நடித்து நூதன திருட்டில் ஈடுபட்டு வந்த நபர் கைது.

ஏடிஎம்மில் பணம் எடுத்து தருவது போல் முதியவர்களை ஏமாற்றி நூதன திருட்டில் ஈடுபட்டு வந்த நபரை ராமநாதபுரம் காவல்துறையினர் கைது செய்தனர்.

காரைக்குடியைச் சேர்ந்த கோபி என்பவர் பணம் எடுக்க வரும் முதியவர்களுக்கு உதவுவது போல ஏடிஎம் கார்டுகளை பெற்றுக் கொண்டு அதற்கு பதிலாக போலி ஏடிஎம் கார்டை கொடுத்து, பணத் திருட்டில் ஈடுபட்டு வந்துள்ளார்.

இவர் கடந்த ஆறு மாதங்களாக, திருச்சி, சிவகங்கை, மதுரை உள்ளிட்ட மாவட்டங்களில் உள்ள ஏடிஎம் மையங்களுக்கு வரும் வாடிக்கையாளரிடம் கைவரிசை காட்டியுள்ளார்.