வவுனியாவில் திடீரென முளைத்த இராணுவ சோதனை சாவடிகள்

வவுனியா ஈரட்ட பெரிய குளம், மதீனா நகர் மற்றும் ஈச்ச குளம் போன்ற பகுதிகளில் இராணுவ சோதனை சாவடிகள் அமைக்கபட்டு இராணுவத்தினர் அங்கு பாதுகாப்பு பணிகளில் ஈடுபட்டுள்ளதாக தெரிவிக்கபடுகின்றது.

அத்துடன் குறித்த சோதனை சாவடிகளில் உள்ள இராணுவத்தினர் சந்தேகத்துக்குரிய வாகனங்கள் மற்றும் பயணிகளையும் சோதனை செய்வதாகவும் தெரிய வருகின்றது.

இதேவேளை அண்மைய நாட்களில் ஆனையிரவு, சங்குப்பிட்டி போன்ற இடங்களிலும் மீண்டும் இராணுவ சாவடிகள் நிறுவப்பட்டுள்ளமை குறிப்பிடத்தக்கது.

இந்த நிலையில் வடபகுதியில் மீண்டும் சோதனை சாவடிகள் அமைக்கப்பட்டுள்ளமையானது மக்கள் மத்தியில் அச்ச நிலையினை தோற்றுவித்துள்ளமை குறிப்பிடத்தக்கது.