நிர்வாகத்தின் நெருக்கடியால் பரிதாபமாக பலியான மருத்துவபீட மாணவன் கியூமனின் இறுதிக்கிரியை இன்று!

கடந்த இரண்டுதினங்களுக்கு முன்னர் யாழில் பல்கலை விடுதி அறையில் தூக்கிட்டு தற்கொலை செய்து கொண்ட யாழ் பல்கலைக்கழக மருத்துவ பீட இறுதியாண்டு மாணவன் கியூமன் நேற்றையதினம் அழுகிய நிலையில் மீட்கப்பட்டிருந்தார்.

இந்நிலையில் கியூமனின் இறுதிக்கிரியைகள் இன்றையதினம் நடந்தேறியுள்ளது.

இலங்கையின் கல்வித்தரத்தில் சற்றுப்பின்னுக்கு நிற்கின்ற மாவட்டமான மன்னார் மாவட்டத்திலிருந்து, கனவுகளோடு பல போட்டிகளின் மத்தியிலும் சவால்களிலும் கல்வி கற்று நான்கு வருடங்களைப்பூர்த்தி செய்துள்ள ஒரு மாணவின் இந்த விபரீத முடிவிற்கு யார் காரணம்?

ஒரு பயில்நிலை மருத்துவராக வெளிவர சில மாதங்கள் உள்ள நேரத்தில் மாணவனின் விபரீத முடிவு அனைவரையும் வேதனையில் ஆழ்த்தியுள்ளது.