இன்றைய தினம் யாழ்ப்பாணத்தில் பல இடங்களிலும் ஜனாதிபதி வேட்பாளர் சஜித்தின் மனைவி ஜலனி பிரேமதாச கலந்துகொள்ளும் மகளிர் அணி மாநாடுகள் இடம்பெறவுள்ளன.
ஜனாதிபதி வேட்பாளர் சஜித் பிரேமதாசவின் ஆலோசனையின் பேரில் வடமாகாணத்தில் நேற்றும் இன்றும் மகளிர் அணி மாநாடுகள் இடம்பெற்று வருகின்றன.
அந்தவகையில் வவுனியாவில் மகளீர் ஒன்று கூடல் நிகழ்வு நேற்றைய தினம் தனியார் விடுதியொன்றில் நடைபெற்றது.
இதேபோன்றே மன்னார், முல்லைத்தீவு மாவட்டங்களிலும் மாநாடுகள் இடம்பெற்றன.
இந்தக் கூட்டங்களில் பெண்கள் அமைப்பின் தலைவிகள், கிராம மடட்ட அமைப்புக்களின் உறுப்பினர்கள், பெண்களைத் தலைமைத்துவமாகக் கொண்ட குடும்பத் தலைவிகள் மற்றும் பெருமளவான பெண்கள் கலந்துகொண்டனர்.
இதில் பெண்களுக்கான பல நலத்திட்டங்கள் தொடர்பாக வாக்குறுதிகளும் இந்தக் கூட்டங்களில் வழங்கப்பட்டன.
வவுனியாவில் நடைபெற்ற மாநாட்டில் ஜனாதிபதி வேட்பாளர் சஜித் பிரேமதாசவின் பாரியார் ஜலனி பிரேமதாச, ரோசி சேனாநாயக்க, இராஜாங்க அமைச்சர் விஜயகலா மகேஸ்வரன், வவுனியா நகரசபை உறுப்பினர் ஏ.ஆர்.எம்.லரிப், அப்துள்பாரி, முன்னாள் வடமாகாண சபை உறுப்பினர் றிப்கான் பதீயுதீன், முத்து முகமது உட்பட பலரும் கலந்துகொண்டனர்.
அந்தவகையில் இன்று யாழில் இடம்பெறவுள்ள மாநாடுகளில் ஜலனி பிறேமதாச கலந்துகொள்ளவுள்ளமை குறிப்பிடத்தக்கது.
