ஹட்டன் பொகவந்தலாவ பிரதான வீதியில் பன்றியினால் 50 அடி பள்ளத்தில் குடைசாய்ந்த லொறி!

ஹட்டன் பொகவந்தலாவ பிரதான வீதியின் பொகவந்தலாவ ஜெப்பல்டன் பகுதியில் பன்றியினால் லொறி ஒன்று வீதியை விட்டு விலகி 50 அடி பள்ளத்தில் குடைசாய்ந்து விபத்துக்குள்ளாகியுள்ளது.

குறித்த விபத்து இன்று அதிகாலை 5.30 மணியளவில் இடம்பெற்றதாக பொகவந்தலாவ பொலிஸார் தெரிவித்துள்ளனர்.

பலாங்கொட பகுதியில் இருந்து நோர்வுட் பகுதியில் மரக்கறி ஏற்றி சென்ற லொறி பொகவந்தலாவ ஜெப்பல்டன் பகுதியில் பன்றி ஒன்று குருக்கே சென்றமையினால் இந்த விபத்து ஏற்பட்டுள்ளதாகவும் லொறியில் இருந்த பெருமளவிலான மரக்கறி வகைகள் சேதமடைந்துள்ளதாகவும் பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.