படுகொலை செய்யப்பட்ட தமிழ் மாணவர்கள்!

திருகோணமலையில் படுகொலை செய்யப்பட்ட 5 தமிழ் மாணவர்களின் 14ம் ஆண்டு நினைவேந்தல் இன்று (02) மாலை இடம்பெறவுள்ளது.

திருகோணமலை கடற்கரையில் காந்தி சதுக்கத்திற்கு அண்மையில் இன்று மாலை 5 மணிக்கு இந்த நினைவேந்தல் நிகழ்வு இடம்பெறவுள்ளது.

குறித்த நிகழ்விற்கான ஏற்பாடுகளை தமிழ்த் தேசியக் கட்சி மேற்கொண்டுள்ளதாக அக்கட்சியின் செயலாளர் எம்.கே.சிவாஜிலிங்கம் தெரிவித்தார்.

கடந்த 2006ம் ஆண்டு ஜனவரி மாதம் 2 ஆம் திகதி திருகோணமலை கடற்கரையில் ஐந்து தமிழ் மாணவர்கள் சுட்டுப் படுகொலை செய்யப்பட்டிருந்தனர்.

இவர்கள் க.பொ.த உயர் தரப் பரீட்சையை எழுதிவிட்டு பல்கலைக்கழக அனுமதிக்காக காத்திருந்த நிலையிலேயே படுகொலை செய்யப்பட்டிருந்தனர். இந்த மாணவர்களின் நினைவேந்தலே இன்று அனுஷ்டிக்கப்படுகின்றது.