காரைநகர் யாழ்ற்ரன் கல்லூரி சின்னம் சூட்டு விழா!

காரைநகர் யாழ்ற்ரன் கல்லூரின் மாணவ தலைவர்களுக்கான சின்னம் சூட்டு விழா நேற்று (07) காலை 8 மணியளவில் பாடசாலை அதிபர் திரு.தி.மதிவதனன் தலைமையில் பாடசாலை மண்டபத்தில் இடம்பெற்றது.

இந்நிகழ்வின் பிரதம விருந்தினராக வடமாகாண கல்வி, பண்பாட்டலுவல்கள், விளையாட்டுத்துறை அமைச்சின் செயலாளர் இ.இளங்கோவன் கலந்துகொண்டு மாணவ தலைவர்களுக்கான சின்னங்களை சூட்டி வைத்தார்.

சிரேஷ்ட மாணவ தலைவனாக செல்வன் சுஜீவனும், சிரேஷ்ட மாணவ தலைவியாக செல்வி திலக்‌ஷியும் சின்னம் சூட்டி வைக்கப்பட்டனர். அதனைத்தொடர்ந்து மாணவர்களின் சத்தியப்பிரமாணமும் இடம்பெற்றது.

நிகழ்வில் தீவக வலயக்கல்விப்பணிப்பாளர் இரவிச்சந்திரன், முன்னாள் அதிபர் வே.முருகமூர்த்தி, குயின்சி நிறுவன அதிபர் கணநாதன் மற்றும் பாடசாலை அதிபர், ஆசிரியர்கள், மாணவர்கள் எனப் பலரும் கலந்து கொண்டனர்.