ஹெராயின் போதைப்பொருளுடன் நான்கு பேர் கைது..!

ஹெராயின் போதைப்பொருளுடன் நான்கு பேர் கைது செய்யப்பட்டுள்ளனர்.

திருகோணமலை – கண்டி வீதியின் 4 ஆம் கட்டை பகுதியிலேயே இவ்வாறு நான்கு பேர் கைது செய்யப்பட்டுள்ளனர்.

திருகோணமலை கடற்படையினருக்கு கிடைத்த ரகசிய தகவலுக்கமைய அவர்கள் காவற்துறை விசேட அதிரடிப்படையினரால் கைது செய்யப்பட்டுள்ளனர்.

குறித்த சந்தேகநபர்களிடமிருந்து 31 கிராம் ஹெரோயின் போதைப்பொருள் கைப்பற்றப்பட்டது.

கைது செய்யப்பட்டவர்கள் திருகோணமலை 4 ஆம் கட்டை மற்றும் 5 ஆம் கட்டை பகுதிகளை சேர்ந்தவர்கள் என காவற்துறையினர் தெரிவித்துள்ளனர்.