முல்லைத்தீவு மாவட்டத்தில் இறுதி யுத்த தினத்தன்று பிறந்த மாணவிக்கு கௌரவிப்பு!

முல்லைத்தீவு மாவட்டத்தில் இறுதி யுத்த தினத்தன்று பிறந்த மாணவி விருது வழங்கி கௌரவிக்கப்பட்டுள்ளார்.

அண்மையில் இடம்பெற்ற தரம் 5 புலமைப்பரிசில் பரீட்சையில் அதிகூடிய பெறுபேறுகளை பெற்ற இவருக்கு ஆங்கில கல்வி நிறுவனமொன்றினால் விருது வழங்கி கௌரவிப்பு வழங்கப்பட்டுள்ளது.

கூளாமுறிப்பு அரசினர் தமிழ் கலவன் பாடசாலையில் கல்வி கற்கும் நிஷாந்தி உஷாந்தன் எனும் 10 வயது மாணவியே இவ்வாறு கௌரவிக்கப்பட்டுள்ளார்.

2009 மே 18ஆம் திகதி இடம்பெற்ற இறுதி யுத்தத்தின் போது பிறந்த இவர், எதிர்காலத்திலும் உயர்கல்வியில் சிறந்த பெறுபேறுகளை பெற்று பட்டப்படிப்பை முடித்து, முல்லைத்தீவு மாவட்டத்திற்கு சேவையாற்ற வேண்டுமென்பதை இலக்காக கொண்டுள்ளார்.