பசறையிலிருந்து பிட்டமாறுவ செல்லும் பேருந்தை சீராக சேவையில் ஈடுபடுத்துமாறு கவனயீர்ப்பு போராட்டம்!

பசறையிலிருந்து பிட்டமாறுவ செல்லும் இ.போ.ச பேருந்தை சீராக தொடர்ச்சியாக சேவையில் ஈடுபடுத்துமாறு வலியுறுத்தி கவனயீர்ப்பு போராட்டம் முன்னெடுக்கப்பட்டது.

ரோபேரி, ரத்கலக, எலமான், கொக்காகல ஆகிய பகுதியை சேர்ந்த நூற்றுக்கணக்கான மாணவர்கள் நாளாந்தம் பட்டாவத்த தமிழ் மகா வித்தியாலயம், மடுல்சீமை தமிழ் மகா வித்தியாலயம் ஆகியவற்றுக்கு இப்பேருந்துனூடாக பயணித்து வருகின்றனர்.

இருப்பினும் இப்பாதையில் சேவையில் ஈடுபடும் பேருந்து தொடர்ச்சியாக சேவையில் ஈடுபடாமல் இடைநிறுத்தப்படுவதால் இவரகள் பெரிதும் அசௌகரியங்களை எதிர்நோக்கி வருகின்றனர்.

இது தொடர்பாக உரிய அதிகாரிகள் நடவடிக்கை மேற்கொள்ளுமாறு வலியுறுத்தியே போராட்டம் முன்னெடுக்கப்பட்டது. மாணவர்களும், பெற்றொரும் பங்கேற்றனர்.