உலகை மிரட்டிக் கொண்டிருக்கும் கொரோனா வைரஸ் தோற்றப்படங்களை வெளியிட்ட அமெரிக்க விஞ்ஞானிகள்!

உலகை மிரட்டிக் கொண்டிருக்கும் கொரோனா வைரஸ் (கொவிட்-19) தாக்கத்தினால் உயிரிழந்தவர்கள் எண்ணிக்கை 2,000 ஐ நெருங்கிக் கொண்டிருக்கிறது.

கடந்த ஜனவரி மாதம் முதல் வேகமாகப் பரவத் தொடங்கிய இந்த கிருமியின் தோற்றத்தை புரிந்து கொள்ள உலகெங்கிலும் உள்ள விஞ்ஞானிகள் கடுமையாக உழைத்து வருகின்றனர்.

இந்த நிலையில் கடந்த 11ஆம் திகதியன்று, அமெரிக்காவின் மொன்டானாவில் உள்ள தேசிய ஒவ்வாமை மற்றும் தொற்று நோய்களுக்கான (என்ஐஐஐடி) நிபுணர்கள், பல்வேறு வகையான எலக்ட்ரோன் ஸ்கானிங் நுண்ணோக்கிகளைப் பயன்படுத்தி கொரொனாவைரஸின் சமீபத்திய படங்கள் அடங்கிய படத்தொகுப்புகளை பதிவேற்றியுள்ளனர்.

அமெரிக்காவில் உள்ள நோயாளிகளிடமிருந்து இந்த மாதிரிகள் எடுக்கப்பட்டன.