கனடாவில் மளிகை கடைக்கு அருகில் இருந்த வாகன நிறுத்துமிடத்தில் இருந்த கார் மோதி 2 வயது குழந்தை பரிதாபமாக உயிரிழந்துள்ளது.
பிரிட்டீஷ் கொலம்பியாவின் Squamish பகுதியில் உள்ள மளிகை கடைக்கு இளம்பெண்ணொருவர் தனது 2 வயது குழந்தையுடன் வந்துள்ளார்.
கடையில் பொருட்களை வாங்கிய பின்னர் அருகில் இருந்த வாகன நிறுத்துமிடத்தை தாண்டி இருவரும் சென்று கொண்டிருந்தனர்.
அப்போது கார் ஒன்று திடீரென இருவர் மீதும் மோதியது, இதில் குழந்தை உயிரிழந்த நிலையில் அதன் தாய் உடனடியாக மருத்துவமனைக்கு காயங்களுடன் கொண்டு செல்லப்பட்டார்.
சம்பவ இடத்துக்கு வந்த பொலிசார் விசாரணை நடத்தியதுடன் குறித்த வாகன நிறுத்துமிடம் மற்றும் அதன் அருகில் உள்ள பகுதிக்குள் சிறிது நேரம் வாகனங்கள் நுழைய தடை விதித்தனர்.
இருவர் மீதும் காரை மோதிய ஓட்டுனர் சம்பவ இடத்திலிருந்து தப்பி செல்லவில்லை.
அவர் பொலிசாரின் விசாரணைக்கு ஒத்துழைப்பு அளித்து வருவதாகவும் தகவல் வெளியாகியுள்ளது.
