கொரோனா வைரஸ் குறித்து அறிந்து கொள்ள15 நிமிட கருவியை சீனா, இத்தாலி மற்றும் ஜப்பான் போன்ற நாடுகளில் பயன்படுத்தப்பட்டு வரும் நிலையில், பிரித்தானியா மற்றும் அமெரிக்கா இதை பயன்படுத்த அனுமதிக்கவில்லை என்ற தகவல் வெளியாகியுள்ளது.
உலகை அச்சுறுத்தி வரும் கொரோனா வைரஸ், எளிதில் மனிதர்களிடமிருந்து பரவுவதால், இந்த நோய் வேகமாக பரவி வருகிறது.
இதைக் கட்டுப்படுத்த முடியாமல் சீனா, இத்தாலி, ஜப்பான் மற்றும் தென்கொரியா போன்ற நாடுகள் திணறி வருகின்றன. சீனாவில் சில தினங்களுக்கு முன்பு இந்த நோயின் தாக்கம் குறைந்திருந்தாலும், தற்போது மீண்டும் பரவி வருவதாக கூறப்படுகிறது.
இந்த நோய் இருக்கிறதா? இல்லையா? என்பதை அறிவதற்காக அவர்களின் இரத்த மாதிரிகள் சோதனைக்கு எடுத்துச் செல்லப்படும். அப்படி அந்த சோதனை 24 மணி நேரமோ அல்லது 48 மணி நேரத்திற்கு பின்னரோ அறிவிக்கப்படும்.
இதனால் இந்த இடைப்பட்ட நேரத்தில் இரத்த மாதிரி கொடுத்திருக்கும் நபருக்கு கொரோனா வைரஸ் பாதிப்பு இருந்தால், அது மற்றவர்களுக்கு எளிதில் பரவுவதற்கு வாய்ப்புண்டு.
இதன் காரணமாக சீனா, இத்தாலி, ஜப்பான் மற்றும் மத்திய கிழக்கு நாடுகளில் கொரோனா குறித்து அறிவதற்காக 15 நிமிட இரத்த பரிசோதனை கருவி ஒன்று பயன்படுத்தப்படுவதற்கு அனுமதி அளிக்கப்பட்டுள்ளதாக கூறப்படுகிறது.
BioMedomics (COVID-19 IgM/IgG Rapid Test) என்றழகைப்படும் அந்த கருவி, எளிதாகவும், சீக்கிரமாக கொரோனா இருப்பதை கண்டுபிடிக்க உதவும் என்று கூறப்படுகிறது.
இது கர்ப்பிணி பெண்கள் பரிசோதனைக்கு பயன்படுத்தப்படும் கருவி போன்று தான் உள்ளது. தங்களுடைய விரலின் நுனிப்பகுதியில் இரத்தம் வர வைத்து, அதை அந்த கருவியில் படும் படி வைக்க வேண்டும். அதன் பின் 15 நிமிடங்களில் கொரோனா குறித்த முடிவு தெரியவரும்.
கர்ப்பிணி பெண்கள் பரி்சோதனைக்கான கருவியில் ஆம், இல்லை என்று வரும். ஆனால் இந்த கொரோனா வைரஸ் கருவியில் கோடுகள் மூலம் முடிவு தெரியவரும்.
ஒரு கோடு வந்தால் கொரோனா வைரஸ் இல்லை, அதுவே இரண்டு கோடுகள் எவந்தால் ஆன்டிபாடிகள் உள்ளன, அதாவது தொற்றுநோய் உடலில் இப்போது ஆரம்பமாகியுள்ளது.
இரண்டு கோடுகளுக்கு நெருக்கமாக இருந்தால், அந்த நபர் பாதிப்பு இருக்கலாம், அதே சமயம் மூன்று கோடுகள் காண்பித்தால் அந்த நபருக்கு கொரோனா வைரஸ் இருக்கிறது என்று அர்த்தமாம்.
இந்த கருவி இரத்தத்தின் ஆண்டிபாடுகளை வைத்து, இந்த கருவி அளவிடுவதால், இது அந்தளவிற்கு துல்லியமாக இருக்காது, என்று PHE-இன் செய்தித் தொடர்பாளர் கூறியுள்ளார்.
மேலும் அவர், பயன்பாட்டுக்கான சோதனைகளை சரிபார்க்க வணிக நிறுவனங்களின் எண்ணிக்கையுடன் PHE செயல்பட்டு வருவதாகவும், இரத்த பரிசோதனையை உருவாக்க நாங்கள் பணியாற்றி வருகிறோம் என்று அவர் தெரிவித்துள்ளார்.
PHE இல் சோதனை முறைகள் மற்றும் கட்டுப்பாட்டு உத்திகளில் பணிபுரிந்த Exeter பல்கலைக்கழகத்தின் மூத்த மருத்துவ விரிவுரையாளர் மருத்துவர் Bharat Pankhankia, ஒரு சோதனையை சரியாகப் பெறுவது மிகவும் முக்கியம். ஒரு நல்ல சோதனையாக இருக்க, அது உணர்திறன், குறிப்பிட்ட மற்றும் இனப்பெருக்கம் செய்யப்பட வேண்டும். ‘
ஒரு உணர்திறன் சோதனை என்றால் அது இரத்தத்தில் உள்ள மிகச்சிறிய கொரோனா வைரஸ் மரபணுக்களை மட்டுமே எடுக்கும். குறிப்பிட்ட பொருள் இது இந்த கொரோனா வைரஸை மட்டுமே எடுக்கும், மற்றும் இன்ப்ளூயன்ஸா போன்ற மற்றவர்கள் அல்ல. இனப்பெருக்கம் என்பது சில நேரங்களில் தவறான ஒரு சீரற்ற முடிவை அளிக்காது என்று தெரிவித்துள்ளார்.
இந்த BioMedomics சோதனைக்கு பிரித்தானியா மற்றும் அமெரிக்காவின் சுகாதார துறை அதிகாரிகள் அனுமதி கொடுக்கவில்லை.
ஏனெனில் இது தவறான முடிவுகளை கொடுக்கலாம் என்று எதிர்பார்க்கப்படுகிறது.
