கனடாவுக்கு குடிபெயர்ந்த ஜிம்பாப்வே நாட்டை சேர்ந்த நபருக்கு லொட்டரியில் $1 மில்லியன் பரிசு விழுந்துள்ளது.
ஜிம்பாப்வே நாட்டை சேர்ந்தவர் Onismo Murambiwa (47). இவர் கனடாவின் பிராம்டன் நகரில் வசித்து வந்தார்.
Onismo ரியல் எஸ்டேட் ஏஜெண்ட்டாக உள்ளார். இந்நிலையில் தனக்கு அதிர்ஷ்டம் உள்ளதா என சோதிக்க முடிவெடுத்த அவர் Lotto 6/49 லொட்டரி டிக்கெட் வாங்கினார்.
பின்னர் ஓன்லைன் மூலம் அதற்கு பரிசு விழுந்ததா என Onismo பார்த்த போது அவருக்கு மகிழ்ச்சி காத்திருந்தது. அதாவது Onismo வாங்கிய லொட்டரிக்கு $1 மில்லியன் பரிசு விழுந்துள்ளது.
இது குறித்து Onismo கூறுகையில், என் பணி தொடர்பாக தான் இதுவரை இவ்வளவு பெரிய தொகை கொண்ட காசோலையை பார்த்துள்ளேன். ஆனால் இப்போது எனக்கே இவ்வளவு பெரிய பரிசு விழுந்துள்ளது மகிழ்ச்சியை தருகிறது.
பரிசு பணத்தை வைத்து புதிய கார் வாங்க திட்டமிட்டுள்ளேன், மீதி பணத்தை சேமிக்கவுள்ளேன்.
என்ன சொல்வது என்றே தெரியவில்லை, எனக்கு இது கனவு போல உள்ளது என மகிழ்ச்சியுடன் கூறியுள்ளார்.
