நம்மைச் சுற்றி இயற்கை அழகையும், ஆரோக்கியத்தையும், இளமையையும் நமக்கு வாரி வழங்கவெனவே பல கனிகளை வழங்கியுள்ளது. அவற்றில் ஒன்று தான் இந்த நெல்லிக்கனி
மழைக்காலங்களில் அதிகமாக கிடைக்கும் நெல்லிக்கனியை வலிமைநெல்லி, உணவுநெல்லி, அமிர்த நெல்லி என போற்றுகின்றனர். ஆரோக்கிய வாழ்விற்கு நெல்லிச்சாறு அருமையானது.
நெல்லியின் மருத்துவ குணங்கள் வேறு பழங்களில் இல்லை என்று சொல்லலாம். அந்த அளவிற்கு அதில் மருத்துவ குணங்கள் அதிகம். மனிதனை இளமையாக வைத்துக் கொள்ள முக்கியமானதாக சொல்லப்படும் காயகல்பத்தில் நெல்லி தான் பிரதான பொருள். மேலும் இது தாது விருத்திக்கும், தலைமுடி டானிக்காகவும் பயன்படுகிறது.
இதில் விட்டமின் ‘சி‘ அதிக அளவில் உள்ளது. அதனால் கண்களின் பாதுகாப்புக்கு மிக முக்கியமானதாக இருக்கிறது. நெல்லியை காய வைத்து அதன் மூலம் வருடம் முழுவதும் சாறு எடுத்து சாப்பிட்டு மேன்மையான ஆரோக்கியம் பெறலாம். ஒரு லீட்டர் நீரில் ஒரு ஸ்பூன் நெல்லிச்சாறு கலந்தால் அந்த நீர் தூய்மையான குடிநீராக மாறிவிடும். 100 கிராம் நெல்லிச் சாற்றில் 82 சதவீத நீரும், 0.5 சதவீத புரதமும், 0.1 சதவீத கொழுப்பும், 14 சதவீத மாப்பொருளும், 3.5 சதவீத நார்ச்சத்தும், 50 யூனிட் அளவு கல்சியமும், 20 யூனிட் இரும்பும், 600 யூனிட் விட்டமின் சி யும் உள்ளன.
இது பல் நோய், அஜீரணம், மூட்டு வலி, ஆகியவற்றைக் குறைக்கிறது. அருமையான கண் பார்வையை தரும். நீண்ட ஆயுளுக்கு தினமும் நெல்லிச்சாறு அருந்த வேண்டும். பசியின்மையை விலக்கி நல்ல பசியை உணர வைக்கும். மாத விடாய், மலச்சிக்கள், மூலம் போன்றவை குணமாகும். பெண்களின் கர்ப்பப்பை கோளாறு, நீரிழிவு, ரத்த அழுத்தம், நரம்புத் தளர்ச்சி விலகும்.
நெல்லியை காய வைத்தாலும் விட்டமின் ‘சி‘ குறைவதில்லை. மாறாக நிழலில் காய வைக்கும் போது அதிகரிக்கின்றது. முதுமையை தடுக்கும் குணம் நெல்லிக் கனிக்கு உண்டு. நெல்லிக் கனி நோய் எதிர்ப்பு சக்தி கொண்டது.
உடலில் உள்ள நச்சுப்பொருட்களை அகற்றி நோய் நொடிகளிலிருந்து உடலைக் காத்து முதுமையை துரத்தி, என்றும் இளமையுடன் உடலை நன்னிலையில் இருக்க செய்யும் சக்தி இதற்கு உண்டு. பித்த அதிகரிப்பே முதுமைக்கும், உடல் சோர்விற்கும் முக்கிய காரணமாகிறது. பித்தத்தைக் குறைத்து உடலிலும், ரத்தத்திலும் தேங்கியுள்ள கொழுப்புகளை உடைத்து கரைத்து வெளியேற்றும் தன்மை நெல்லிக்கனிக்கு உண்டு.
ஆரஞ்சு பழத்தை விட நெல்லிக்கனியில் 20 மடங்கு அதிகம் விட்டமின் ‘சி‘ சத்து நிறைந்துள்ளது. ஆப்பிளை விட 3 மடங்கு புரதச்சத்து நெல்லியில் உள்ளது. அஸ்கார்பிக் அமிலம் என்னும் உயிர்ச்சத்து 160 மடங்கு நெல்லிக் கனியில் உள்ளது. நெல்லக்கனியில் உள்ள விட்டமின் ‘சி‘ சத்து உடலில் உள்ள இரும்புச்சத்து உட்கிரகிக்கப்படுவதை ஊக்கப்படுத்துகிறது.
எச். ஐ. வி, இன்ஃபுளுயன்சா வைரஸ்கள் தாக்காமல் தடுக்கிறது. இதய வால்வுகளில் ரத்தக்குழாய்களில் ஏற்படும் அடைப்புக்களை நீக்கி சீராக செயல்பட வைக்கிறது. இருதய அடைப்பை தடுக்கிறது. மேலும் கார்போஹைட்ரேட், நார்ச்சத்து, இரும்புச்சத்து, கரோட்டின், கல்சியம், ஃபாஸ்பரஸ், விட்டமின் ‘பி‘ காம்ப்ளக்ஸ் நிறைந்துள்ளது. ஆக நெல்லிக்கனியை தினமும் சாப்பிடுவதன் மூலம் நோயற்ற வாழ்வு வாழலாம்.
